منتديات ستايلك

منتديات ستايلك


 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 تعلم استخدام توتر في أجهزة ابل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الامبراطور
General Admin
General Admin
avatar

■ - [ ڪِتـابَاتِيّ » * : 134
■ - [ تاريخ الٓميِلاُدٓ» * : 09/07/1999
■ - [ تآريخٍ آلتًسجيلٍ» * : 22/12/2012
■ - [ آلعٍمر» * : 18
■ - [ آلموِقع» * : http://staulk.ba7r.biz/
■ - [ آلمزٓاِجٌٍ» * : رآآآيق

مُساهمةموضوع: تعلم استخدام توتر في أجهزة ابل   الثلاثاء ديسمبر 25, 2012 4:18 am

السلام عليكم ورحمة الله وبركاته

بعد ماشفت الموضوع اللي في المنتدى العام سؤال؟؟؟
قلت احط موضوع هنا عن التويتر طريقة التسجيل من الآيفون أو الآيباد وطريقة الإستخدام

نبدا بالشرح
أول شي تحمّل برنامج تويتر من AppStore وتفتح البرنامج بعد التحميل تطلع لك هالصفحة



طبعاً انت مستخدم جديد ماعندك يوزر وتبغى تسجل
اضغط اللي بالأزرق ع اليسار Sign up بعد ماتضغطها تجيك هالصفحة :



(1) الإسم الكامل : هو الاسم الذي سيظهر للمستخدمين الآخرين وفي واجهة صفحتك في تويتر ، تقدر تستخدم اسم عربي او اجنبي ،، وتقدر تكتب اسمك الحقيقي او المستعار .

(2) البريد الإلكتروني (الايميل) : حط ايميلك وبتجيك رسالة التأكيد عليه بعد التسجيل وأيضاً بتجيك رسائل تنبيه من تويتر اذا تابعك شخص جديد ( سنفهم مامعنى "يتابعك" فيما بعد في هذا الموضع ).

(3) اسم المستخدم : اسم لازم مايكون مكرر مثل المنتديات يعني لازم مايكون احد اخذه قبلك هذا الاسم سيكون في آخر عنوان صفحتك الشخصية ، على النحو التالي /

[ندعوك للتسجيل في المنتدى أو التعريف بنفسك لمعاينة هذا الرابط]

يفضل أن يكون هذا الاسم مختصر ومعبر في نفس الوقت عن صاحبه ، ويجب أن يكون باللغة الانجليزية.



(4) كلمة السر : يستحسن أن تكون صعبة بعض الشيء كي لا يسهل اختراق حسابك في المستقبل

بعد ماتخلص من هالبيانات اضغط sign up اللي تحت وينتقل لك للصفحة هذي :



أول أيقونه تحت ع اليسار Home طبعاً الصفحة فاضية لأنك جديد ماتابعت أحد واذا صرت تتابع احد بالمستقبل بتصير تغريداته تطلع لك هنا يعني اي شي يكتبه يطلع هنا .
مثل صفحتي الحين تطلع لي كتابات اللي انا متابعهم :



والخيار الثاني ع اليسار Connect وفيه قسمين
interactions هذا يجيك التحديثات حقتك يعني اذا احد سوا لك فلو يطلع لك هنا أو أحد شاف تغريده لك وسوا لها رتويت يعلمك هنا ان فلان سوا رتويت ( يعني هو ارسلها للي عنده وتطلع لهم بإسمك ) او حط تغريدتك بالمفضلة عنده .
هذي صفحتي وفيها التحديثات :



والقسم الثاني Mentions ( المنشن ) يعني اذا احد حط تغريده موجهه لك يعني الكلام اللي فيها لك انت , طبعاً الكل يشوفها بس يدرون انها موجهه لك

مثل هالصورة فيها التغريدات اللي موجهه لي :



واذا بغيت تكتب تغريده لشخص معين فيه فوق على اليمين ريشه اضغطها تفتح لك صفحه بيضاء تكتب @وتحط اسم يوزر اللي بترسل له طبعاً اليوزر اللي بالانجليزي وتكتب اللي تبي وتضغط زر Tweet فوق ع اليمين واذا تبيها تغريده عامه اكتب الكلام بدون ماتحط اسم احد , وكل تغريدة لازم 140 حرف وأقل , لو كتبت اكثر من 140 حرف بيرفض وفيه عداد تحت ع اليمين يبين لك كم باقي لك من حرف مثل :



كذا اكون كتبت تغريدة موجهه للشيخ محمد العريفي ( هذي ماتعتبر رسالة خاصة , فيه رسايل خاصة محد يشوفها غير اللي موجهه له الرسالة بنجيها بعد شوي )

وبالصورة الجاية طريقة الكتابة في هاشتاق
حط اسم الهاشتاق واكتب اللي تبي واذا بغيت ترفق صورة مع التغريدة اضغط صورة الكاميرا



الخيار الثالث من الايقونات اللي تحت Discover هنا تكتشف الاشياء الجديدة مثل الهاشتاقات او اذا بغيت تبحث عن شي
الهاشتاق يعني موضوع معين يتكلمون عنه
ويكون مثل كذا : #بني_زيد
طبعاً حطينا شرطه لأن لازم مايكون فيه مسافه في الهاشتاق




وبالنسبة للخيار الأخير اللي هو Me هذا يخص صفحتك يعني فيه عدد التغريدات واللي تتابعهم واللي يتابعونك



TWEETS يعني عدد التغريدات
FOLLOWING يعني اللي انت تتابعهم اي شي يكتبونه يطلع عندك
FOLLOWERS الناس اللي يتابعونك ويقرون تغريداتك أي شي تكتبه يطلع لهم

Direct messages الرسايل الخاصة ( محد يشوفها غير اللي المرسل له يعني لو ارسلت لشخص رسالة خاصة محد يقراها غيره )

Drafts يعني المسودات , كتبت تغريده وماتبي تنشرها الحين تقدر تخليها بالمسودات بعدين ترجع لها .

Lists القوائم ماعمري استخدمتها ما احسها مهمه

Saved searches حفظ البحث برضو ماقد جربتها

البيضه اللي فوق هي صورتك اللي تطلع للناس
اذا بغيت تغيرها تضغط جنبها وتطلع لك هالصفحة :



اضغط جنب البيضة واختر الصورة اللي تبي من جوالك .

Name : اسمك اللي يطلع للناس
url : رابط موقعك او صفحتك يعني اي صفحه لك سواء منتدى او فيس بوك او اي شي
******** : يحدد موقعك في الخريطة يعني اذا نشرت تغريدة وانت مفعل الموقع بيبن وين مكانك اللي تغرد منه .
bio: تكتب وصف يعبر عنك

اذا بغيت تسوي لشخص فلو ( يعني تتابع تغريداته )
اضغط على المربع + اللي قدامه واذا جت علامة صح يعني انك صرت تتابعه
هالصورة فيها أول 3 انا اتابعهم والباقي ماسويت لهم متابعه :



واذا بغيت تسوي انفلو ( يعني كنت اتابعه وهونت ما اعجبتني تغريداته )
اضغط على علامة صح اللي قدامه ويجيك كذا اختر أول وحدهـ اللي بالأحمر يعني إلغاء المتابعه



والحين بشرح طريقة الرتويت
اذا شفت تغريده وتبغى تسوي لها رتويت ( اعادة ارسال للي عندك ) وأنت في Home اضغط على التغريدة وتجيك تحت خيارات


^
^
أول خيار من اليسار (السهم) يعني اذا بغيت ترد على الشخص اللي كتب التغريدة تضغطها وتطلع لك صفحة بيضاء اكتب اللي تبي له

الخيار الثاني السهمين اللي عكس بعض , اذا ضغطته يجيك خيارين
الأول رتويت وهو العادي يعني يرسل التغريدة للي عندك وتكون بإسم صاحب التغريدة
الخيار الثاني اللي هو رتويت ومع اضافة منك يعني يعيد ارسال نفس التغريدة مع اضافة كلام منك وتكون بإسمك التغريدة .



فيه علامة النجمة يعني المفضلة , اذا اعجبتك تغريدة ادخل عليها واضغط على النجمة وتلقاها بالمفضلة عندك




وآخر شي ع اليمين سهم وسط المربع ؛)
اذا ضغطت عليه يطلع خيارين

الأول ينسخ رابط التغريدة يعني بترسل التغريدة لأحد في واتس اب او اي برنامج تضغط على اول خيار ينسخ رابط يوديك للتغريدة مباشرة

الثاني اذا بغيت ترسل التغريدة لإيميل احد يعني اعجبتك تغريدة وبترسلها لأحد على ايميله تختار الثاني .




تقريباً هذي أهم الأشياء اللي في تويتر
واذا اشكل عليكم شي علموني وأشرح لكم اللي اعرفه ؛)
واعتذر على الشرح البسيط وأتمنى الفائدة للجميع


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://staulk.ba7r.biz
رابطة عشاق عبده
Junior Member
Junior Member
avatar

■ - [ ڪِتـابَاتِيّ » * : 100
■ - [ تاريخ الٓميِلاُدٓ» * : 01/04/1991
■ - [ تآريخٍ آلتًسجيلٍ» * : 24/12/2012
■ - [ آلعٍمر» * : 26
■ - [ آلموِقع» * : http://abdoh-lovers.yoo7.com
■ - [ آلمزٓاِجٌٍ» * : حالة عشق

مُساهمةموضوع: رد: تعلم استخدام توتر في أجهزة ابل   الثلاثاء ديسمبر 25, 2012 10:23 pm

يسلموووووو

بارك الله فيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تعلم استخدام توتر في أجهزة ابل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ستايلك :: تقنيات ستايلك :: Mobile-
انتقل الى: